Áfram Atli Fannar

þá sjaldan að það gerist, sat ég fyrir framan kassann með annað augað opið.
Poppar þá ekki upp á skjáinn myndband með framlagi okkar til Eurovision ! aulahrollurinn spratt fram með þvílíkum hraða að hann hefði getað sett heimsmet í 100 metra hlaupi ef hann hefði lappir.
En  ekki er öll sagan sögð þar með,  á eftir myndbandsbrotinu var rætt við tvo spekulanta og þeir fengnir til að segja skoðun sína á myndbandinu og því sem því fylgdi, og ég verð að segja að LOKSINS kom maður fram í þessum miðli sem við köllum RÚV og sagði nákvæmlega það sem honum fannst um þetta slys. Hann var ekkert að reyna að fegra þetta og fínpússa, heldur sagði álit sitt á öllu því sem fylgir þessu framlagi okkar í ár. Hann fær fullt hús stiga frá mér fyrir þessi ummæli sín, þó ég sé hræddur um að ekki verði kallað á hann í bráð til álitsgjafar á slíku efni sem RÚV sóar milljónum og aftur milljónum í til þess eins að gera okkur að fíflum á erlendri grund.